Kur trupi ka mungesë të jodit, gjëndra tiroide nuk është në gjendje të prodhojë mjaftueshëm hormone tiroide.

Eksperti amerikan, Dr. Geri Uoren thotë mëqense trupi nuk e prodhon atë, ne duhet të marrim jod çdo ditë, në mënyrë që organizmi të funksionojë mirë, transmeton portal arbresh.info

Mungesa e jodit shkakton:

Lodhje

Ndiheni të rraskapitur kur zgjoheni, nuk ju mjaftojnë 8 ose 10 orë gjumë gjatë natës apo nuk mund të funksiononi gjithë ditën pa një sy gjumë pasdite? Mungesa e energjisë dhe ndjenja e lodhjes shoqërohen me një sërë gjendjesh shëndetësore, por më shpesh ato janë simptomë e sekretimit të pamjaftueshëm të hormoneve tiroide.

Depresioni

Hipotiroidizmi (mungesa e sekretimit të hormoneve të tiroides) mund të shkaktojë ndjenja depresioni dhe letargjie, por ndikon edhe në sekretimin më të ulët të serotoninës – hormonit të lumturisë.

Shtim peshe

Edhe pse shtimi në peshë është më së shpeshti rezultat i një stili jetese jo të shëndetshëm, nëse shfaqet në kombinim me simptoma të tilla si ndjenja e ftohtësisë dhe lodhjes së rëndë, është e mundur që të shkaktohet nga një ngadalësim i punës së gjëndrës tiroide.

Shpesh këto tre simptoma ia atribuojmë stresit, problemeve në punë, problemeve financiare dhe ndikimeve të tjera të jashtme. Problemet me pagjumësinë, lodhjen, ndjenjat e ankthit dhe depresionit mund të tregojnë probleme me gjëndrën tiroide.

Kur nuk ka jod të mjaftueshëm, gjëndra tiroide nuk është në gjendje të prodhojë mjaftueshëm hormone tiroide. Jodi është elementi themelor i ndërtimit të hormoneve tiroide dhe ndikon në shumicën e proceseve metabolike në trup./arbresh.info/